Dagskráin

Hundum hefur fjölgað mjög á Akureryi undanfarin ár, en nú eru um 530 hundar skráðir í bænum. Fyrir um áratug voru þeir um 200 talsins.  Drög að nýrri samþykkt um hundahald í sveitarfélaginu voru til umfjöllunar á fundi framkvæmdaráðs á morgun, en ýmsar breytingar eru í farvatninu frá fyrri samþykkt, m.a. að ekki verður lengur heimilt að vera með hunda á almennum samkomum í bænum.

Réttarstörf eru að hefjast og næstu daga verður mikið um að vera í Dalvíkurbyggð. Í dag föstudag er réttað í Syðraholtsrétt og Garðshornsrétt. Á morgun laugardag er réttað í Teigsrétt, Hofsrétt og Hofsársrétt. Á sunnudag er svo réttað í Tungurétt. Aðrar fjár- og stóðréttir í Eyjafirði og Fnjóskadal sem vitað er um eru þessar:

 

„Í augnablikinu er staðan örlítið skárri en hún var á sama tíma í fyrra, það eru færri af okkar félagsmönnum á atvinnuleysisskrá en aftur á móti eru horfurnar fyrir veturinn verri og þar skiptir mestu að það eru engin stór verkefni framundan," segir Heimir Kristinsson varaformaður Fagfélagsins.

Þórsarar tylltu sér á topp 1. deildar karla í knattspyrnu eftir 3:0 sigur gegn KA á Þórsvelli í kvöld. Það voru þeir Atli Sigurjónsson, Þorsteinn Ingason og Sigurður Marínó Kristjánsson sem skoruðu mörk Þórs í leiknum. Þar með hefur Þór 40 stig á toppi deildarinnar, einu stigi meira en Leiknir og Víkingur R. sem eiga leik til góða á laugardaginn kemur. KA- menn hafa áfram 24 stig í sjöunda sæti. Það var mikil stemmning á Þórsvellinum í kvöld en alls voru 1550 manns á vellinum sem létu vel í sér heyra. 

Þann 8. september er alþjóðlegur dagur sjúkraþjálfunar. Á Akureyri verða af því tilefni vígðar tvær gönguleiðir með bekkjum. Gönguleiðirnar eru sérstaklega hannaðar með þarfir þeirra sem lakir eru til gangs, í huga. Önnur er út frá Víðilundi, hin út frá Lindarsíðu.